Яшел Үзән хәбәрләре, Новости Зеленодольска на татарском языке. Выпуск от 6 августа 2025 года

Яшел Үзән хәбәрләре 06.08.25  00:00 Эфирда Яшел Үзән телекомпаниясе. Һәм кабат мин, Радик Гатауллин сезгә исәнмесез дип эндәшәм. Атна дәвамында шәһәр һәм районда күп кенә вакыйгалар булды, кайберләре турында хәзер колллегаларым белән тулырак итеп сөйләрбез. 00:25 Яшел Үзәнгә инспекция визиты белән республиканың Хезмәт һәм мәшгульлек министры Эльмира Зарипова һәм Россия Герое Рәсим Баксиков килде. Алар "Забота"- "Кайгырту" өлкәннәр йортында эшләрнең ничек баруын карый. Шулай ук, "Гнездышко"- "Оя" приютында балалар өчен уңайлы шартларның ни дәрәҗәдә булуын бәяли.  00:47 Шәһәр һәм суднолар төзү заводы өчен мөһим вакыйга. Горький исемендәге Яшел Үзән заводы «Татарстан Флоты» компаниясенә ике яңа пассажирлар йөртүче «Метеор-2020» не тапшырды. Тантаналы чара видеоконференция форматында уза. 02:56 Куркынычсызлык өчен өч төймә. Берьюлы өч торак пунктта - Яшел Үзәндә, Васильево бистәсендә һәм Әйшәдә акыллы система эшли башлаган. IP-домофония аша гадәттән тыш хәл режимы турында мәгълүмат бирү системасының беренче сынавы шәһәрнең Мичурин урамында уза, анда яшәүчеләр яңа технологияне гамәлдә күрә алды. Цифрлы сервис 260 күп фатирлы йортта меңнән артык подъездны колачлаган. Яшел Үзәндә барлык күпкатлы йортларның яртысы заманча IP-домофоннар белән җиһазландырылган инде. 03:32 Рогачев урамының 18 нче һәм Төзүчеләр проспектының 44нче йортлары тирәсендә балаларны "ишегалды уеннары" көтә. Куңелле чаралар янәдән Яшел Үзән урамнарында. Кызыклы форматтагы лагерь малайлар һәм кызларны көн саен...