Яшел Үзән хәбәрләре, Новости Зеленодольска на татарском языке. Выпуск от 11 марта 2026 года

Яшел Үзән хәбәрләре 11.03.2026 00:00 Эфирда Яшел Үзән телекомпаниясе. Һәм кабат мин, Радик Гатауллин сезгә исәнмесез дип эндәшәм. Атна дәвамында шәһәр һәм районда күп кенә вакыйгалар булды, кайберләре турында хәзер коллегаларым белән тулырак итеп сөйләрбез. 00:26 Сак булыгыз, Бозлавык! Бүген җылытса да, кичкә салкынайта һәм дә бу тема актуаль булып кала! җәяүлеләргә түбәндәге кагыйдәләрне үтәргә кирәк: иң беренче чиратта, ашыкмагыз. Таймый торган аяк киеме кияргә, бөтен табан белән тезләрне азрак бөгеп басарга тырышыгыз. Олы яшьтәге кешегә таяк тотып йөрергә киңәш ителә. Таеп китеп, егыла башласагыз, кул-аякларны сузмыйча, башны бәрелми торган итеп, аркага төшәргә тырышырга кирәк. Балаларны аерым игътибарга алырга һәм яктылыкны кайтаручы элементлардан файдаланырга киңәш ителә. Машиналар йөри торган юлларда да сак булыгыз.   01.06 Әйе, Хәрәкәт-тормыш ул, һәм яшь моңа комачаулык түгел! Яшел Үзәндә пенсионерлар лаеклы ялга чыгуны - үзең белән шөгыльләнү өчен менә дигән сәбәп икәнен исбатлый. Берәүләр өчен спорт залы артык авырлыкны киметергә һәм кан басымын тотрыклыландырырга мөмкин булган урынга әйләнә, икенчеләре өчен - ялгызлыктан чын коткару.  04:23 Башка темаларга. Чираттагы-инде 33 нчесе-гуманитар конвой Яшел Үзәннән махсус операция зонасына юл тотты. Йөк составында төзелеш материаллары һәм техника гына түгел, ә сугышчыларга туган йортларын йортны хәтерләткән әйберләр дә бар: өйдә пешерелгән ризыклар һәм шәхси посылкалар. Гуманитар йөкне төяүдә 10 нчы гимназия...