Яшел Үзән хәбәрләре. Новости Зеленодольска на татарском языке. Выпуск от 28 мая 2025 года.

Яшел Үзән хәбәрләре 28.05.25  00:00 Эфирда Яшел Үзән телекомпаниясе. Һәм кабат мин, Радик Гатауллин сезгә исәнмесез дип эндәшәм. Атна дәвамында шәһәр һәм районда күп кенә вакыйгалар булды, кайберләре турында хәзер колллегаларым белән тулырак итеп сөйләрбез. 00:26 Бүген 28 май - чик сакчылары көне Рәсәйдә 1918 елның шушы көнендә яшь Совет Республикасы Хөкүмәте илебезнең чик сагын оештыру турында Декрет кабул ителгән. Ә менә бәйрәм буларак ул беренче мәртәбә 1958 елда, чик буе гаскәрләренең 40 еллыгы уңаеннан билгеләп үтелә. Чик сакчысы булып хезмәт иткән райондаш егетләребезне бәйрәмнәре белән котлыйбыз!  Елларыбыз имин, чикләребез һәрчак тыныч булсын!   00:57 Көннәр җылыткан саен, вакытны күбрәк урамда үткәрәсе килә. Халыкның күпчелеге ял итү өчен шәһәр паркларын сайлый. Алар бит Яшел Үзәннең көзгесе - чын бизәге. Безнең төшерү төркеме шәһәрдәшләребезнең яраткан ял итү урыннары буйлап йөреп кайтты. 04:23 Эшмәкәрләр көне алдыннан Мәдәни үсеш үзәгендә "Татарстан Республикасы эшмәкәренең иң яхшы Иҗтимагый советы» бәйгесенең финалы узды. 2024 нче елда Яшел Үзән районы әлеге бәйгедә абсолют җиңүче булды, чөнки кече һәм урта бизнесны үстерү өчен бездә иң яхшы шартлар тудырылган. Быелгысы турында тулырак-алдагы видеоязмада. 07:27 Реклама 08:09 Паркларда һәм скверларда чисталык даими контрольдә тотыла, ә менә шәһәр урамнарында, контейнер мәйданчыклары янында кайвакыт башка күренеш күзәтелә. Яшел Үзәндә «Юл хәрәкәте куркынычсызлыгы» оешмасы хезмәткәрләре һәм экологлар...