Регионы туристон къабазы райрæзты ахсджиаг къæпхæн

Гæбæраты Анабеллæ ныридæгæн афæдз архайы туризмæй. Скъолайы фæзындысты уæлæмхасæн ахуыртæ ацы дæсныйадæй æмæ сæм чызг уайтагъд сразæнгард. Бынаты арæхсын, адæмимæ кусын æмæ æххæст туристон фæндæгтæ аразын - уыдоныл сахуыр цыбыр рæстæгмæ. «Проводники смыслов. Школа юного экскурсовода»-йы конкурсы рæстæг райста экскурсовод-гиды æххуысгæнæджы дæсныйады сæрмагонд гæххæт. Конкурс фадат дæтты æрмæст туристтимæ архайынæн нæ, фæлæ ма интерактивон æмæ пайда балцты руаджы фæсивæды миддуне хъæздыг кæнынæн. Проект федералон къæпхæныл сарæзта «Росмолодежь», уый хорз фадат у профессионалон æхсæнадимæ архайынæн.. Проект «Проводники смыслов. Школа юного экскурсовода» регионы райдыдта 2025 азы сентябры. Ахуыры афæдзы дæргъы фæсивæд базыдтой истори, Ирыстоны географи, экскурсион архайды бындуртæ , музейон педагогикæ, туристтимæ архайæны психологи æмæ æнæмæнг, Ирыстоны аивдæр кæмтты ацыдысты практикон цæттæдзинад. 400 скъоладзауы райстой «Экскурсовод-гиды ассистенты» дæсныйад. Ахуыры хатдзæгтæм гæсгæ 61 скъоладзауы программæ фесты иттæг хорз бæрæггæнæнтимæ. Скъоладзаутæн ахуыртæ арæзтой фæлтæрдджын специалисттæ - историон, географион, экономикон наукæты кандидаттæ, педагогтæ уыдысты Цæгат Ирыстоны паддзахадн университетæй. Проект сси ахсджиаг къæпхæн регионы туристон индустрийы райрæзты æмæ профессионалон гидты ног фæлтæры фæзынды.