Андиаты Сосланы номыл олимпаг резервы спортивон скъолайы арæзт æрцыд гом турнир

Андиаты Сосланы номыл олимпаг резервы спортивон скъолайы арæзт æрцыд гом турнир уæгъдибар хъæбысхæстæй. Снысан æй кодтой Советон Цæдисы æмæ Уæрæсейы сгуыхт тренертæн Григорий Кирокосян, Апаты Хасан æмæ Гиоты Эдуардæн. Зындгонд зонадамонджытæ профессионалон спортсменты иу æмæ дыууæ фæлтæры не схъомыл кодтой. Ацы турнирæй сын загътой зæрдиаг бузныг сæ ахуыргæнинæгты номæй, сæ спортивон курдиат раргом кæныны фадат сын кæй уыд, уый тыххæй. Гауызмæ рацыдысты 200 спортсменæй фылдæр республикæйы æппæт районтæй. 2012-æм æмæ 2013-æм азы гуырд лæппутæ. Уæлахиздзауты æмæ призерты сбæрæг кодтой уæзы 12 категорийы. Æппæтæй тыхджындæртæн балæвар кодтой кады гæххæттытæ, майдантæ æмæ кубоктæ. Ерыстæ æххæст кæнынц паддзахадон программæ «Уæрæсейы спорт»-ы домæнтæ - спорты пропагандæ, сывæллæтты æмæ фæсивæды æнæниз царды уагмæ æмхиц кæнын.