Вячеслав Алиев скодта ӕртӕ операцийы Цӕгат Ирыстоны

Операцийы райдианмæ ма баззад цалдæр минуты. Специалисттæ иууылдæр сты бынаты, цæттæ кæнынц пациенты. Æппæт архайд ахæсдзæн дыууæ сахаты онг. Логиновы номыл Мӕскуыйы клиникон центры раззагдӕр наукон кусӕг Вячеслав Алиевы сабырдзинад ӕмӕ ныфс бæрæг дарынц хирургты ӕппӕт командӕйыл дӕр. 72-аздзыд рынчын йӕ низыхатт зонгӕ дӕр нӕ кодта. Хъаст кодта ӕрмӕст рог лæмæгъдзинадæй. Специалисттӕ скодтой иртæстытæ. Сæ хатдзæгтæм гæсгæ ссардтой гуыбыны чысыл рæсыд. Цӕгат Кавказы бирӕпрофилон медицинон центры дохтыртӕ фæстиат нæ фæкодтой. Нӕлгоймаджы цыбыр рæстæгмæ бацӕттӕ кодтой операцимæ. Ахӕм операци домы лыстæг архайд. Специалисттӕ кӕнынц рахизфарсы гемиколэктоми, хуымӕтӕгдӕр зӕгъгӕйӕ, сисынц рахиз ставд тъанг. Уыимæ та рӕсыд дӕр. Фӕлӕ ацы цау у хицæн. Дохтыртӕн бæстон радзырдтой раззагдӕр мадзӕлтты тыххӕй. Базонгӕ сæ кодтой, федералон центрты ӕнтыстджынӕй кӕй сахуыр кодтой, уыцы ногдæр ӕмӕ бӕлвырддӕр техникӕимӕ. Чысылинвазивон ӕмӕ бӕрзондтехнологон гæнæны тыххӕй Вячеслав Алиев дзуры операцийы рӕстӕг. Ахуырадон хирургион скъолайы фӕлгӕты ма специалисттӕ ӕрныхас кодтой тӕккӕ зындӕр клиникон цаутыл дӕр. Вячеслав Алиев медцентры скодта ӕртӕ операцийы. Ахӕм дæсныйадæвдисæг ахуыртæ ныридӕгӕн традици сты. Фӕлӕ дохтыртӕн се 'ппæтæн фадат нӕй регионтӕм цӕуынӕн. Уымӕ гӕсгӕ Цӕгат Ирыстоны медицинон кусджытӕ сӕхӕдӕг бабæрæг кæнынц бӕстӕйы егъау федералон кусæндæттæ. Специалисттӕ нысан кӕнынц, квалификаци æппынæдзух бӕрзонддӕр кӕнын ахсджиаг кæй у, уый. Онкологимӕ æргом здæхт абон уӕлдай...