Гæздæнты Булаты номыл адæмон инструментты националон оркестрæн уыд сезоны кæронбæттæны концерт

Гæздæнты Булаты номыл адæмон инструментты национ оркестр сезон сæхгæдта концертæй. Æрбацыдысты йæм нæ республикæйы культурæ æмæ ахуырды къабæзты минæвæрттæ. Оркестры репертуары уыд æрмæстдæр ирон зарджытæ алыхуызон жанрты. Концерты бацархайдтой нæ республикæйы зындгонд зарæггæнджытæ, се хсæн: Цæгат Ирыстоны адæмон артист Дауыраты Эдуард, нæ республикæйы сгуыхт артист Собиты Станислав, Æппæтадæмон музыкалон фестиваль æмæ зарæггæнджыты конкурсты уæлахиздзаутæ Дулаты Дзамболат æмæ Цыбырты Шота.