Æрвылкъуырион аппаратон æмбырд Дзæуджыхъæуы ацыд премьер Дзанайты Барисы разамындæй

Цæгат Ирыстоны фыст æрцыд 1308 социалон контракты. Уый у нысангонд бæрæггæнæны 89%. Ацы къуыри курдиат чи балæвæрдта, уыдонæн сæ фæрæзтæ ратдзысты. Уый тыххæй аппаратон æмбырды фехъусын кодта фæллой æмæ социалон рæзты министры фыццаг хæдивæг Маматы Анджелæ. Уыимæ ма къуырийы кæронмæ июны мæйæн райсдзысты социалон фиддонтæ. Ныхас цыд æндæр фарстатыл дæр. 30 педагогы цæуынц ахуыртæ Мæцутæйы сæрдыгон скъолайы. 1-æй 5-æм июльмæ та æрыгон ахуыргæнджытæн арæзт æрцæудзæн ног Сæрдыгон скъола. Нысангонд фæткмæ гæсгæ ацыд иумæйаг паддзахадон фæлварæн. 8-æм æмæ 9-æм июлы та уыдзысты уæлæмхасæн бонтæ фæлварæн ногæй радтынæн. Æрдзырдтой ма метеорологон уавæрыл. Синоптиктæ хъусын кæнынц æвзæр боныхъæды тыххæй — тыхджын дымгæ æмæ тæккъæвдатимæ.