ТРК «Алани»-йы радио бӕрӕг кӕны 95 азы

Советон адӕм ацы ныхæсты фæстæ фехъуыстой æвирхъау цау. 1941-ӕм азы 22-æм июны райдыдта историйы тӕккӕ тугкалддӕр хӕст. Уӕд Юрий Левитаны эфиртӕм тыхстæй хъуыстой бӕстӕйы алы къуымы цæрджытæ. 4 азмӕ легендарон дикторы хъӕлӕс сси зонгæ, радио та — фронтæй хабархæссæг минæвар. Æппæт информаци хъусын кодтой репродукторты фæрцы. Æвæрд æрцыдысты горæты алы къуымты. Адæм иу базыдтой фронтæй фæстаг хабæрттæ. Эфир иу бон нӕ æрлæууыд. Кӕд знаг ӕппӕт хъарутӕй дӕр архайдта советон радиойы хъӕлӕс бамынӕг кӕныныл, уӕддӕр. Оккупацигонд зӕххытыл цардæн тæссаг уавæрты иу байстой приемниктӕ, сыгътой ӕнӕхъӕн станцӕтӕ, уынджы репродукторты бӕсты та ӕвӕрдтой немыцаг хъӕрӕйдзурæн фæрæзтæ. Уӕдӕ Мæскуы ахсджиагæй цы хъусын кодта? Ӕппӕты сӕйрагдӕр радиойы фӕрцы вермахты ӕнӕбасӕтгӕ тыхы мæнгдзинад. Сталинграды тохы уӕлахиз, Курскы ныббырст ӕмӕ Ленинграды æрхъула сисын. Нацистон пропагандӕйӕ уæлдай советон радиойы хъуыст рӕстдзинад. Хӕсты æппæты зын рæстæг дӕр тых чи лӕвӕрдта ӕмӕ уӕлахизыл ӕууӕнкдзинад чи фидардæр кодта, уыцы рӕстдзинад. Бирӕ регионты немыцӕн бантыст хъусынгæнæн системӕтӕ ныппырх кæнын. Уыцы заман иу агурын бахъуыд ног фæрæзтæ. Цӕгат Ирыстоны фарста уайтагъд аиуварс кодтой — Садоны, Хъахъхъæдуры, Алагиры, Рахизфарсы районтæ фыццаг сног кодтой бастдзинад Мӕскуыимӕ. Рæстæгæй-рæстæгмæ иу хӕсты быдырӕй ахсджиаг хъусынгæнинæгты фӕдыл ирон диктортӕ суанг сыхаг Гуырдзыстонмӕ дӕр ацыдысты. Хъӕбатырты ном сӕнусон кодтой радиойы бæстыхайы раз. Фæйнæгыл ис 170 номы фыст. Стыр аргъ бафидгæйæ...