Црауы совхоз «Путь к коммунизму», зæгъгæ

Æмæ кæд ныр куыст ссарын - æнцон хъуыддаг нæу, уæд раздæр та парахатæй уыд. Ацы хъуыдыцыл хæст сты нæ хистæртæ. Куысты бнæттæ дæр æмæ куыстуæттæ дæр бирæ уыд. Фылдæр кодтой хъæууон хæдзарады куыст. Зæгъæм, Црауы совхоз «Путь к коммунизму», зæгъгæ, уыдис республикæйы хъæздыгдæр куыстуæттæй иу. Йæ продукцийæн стыр аргъ кодтой Уæрæсейы алы къуымты. Фæлæ, 2002-æм азы совхоз сæхгæдтой. Йæ раздæры кусджытæ мысынц ивгъуыд бонтæ. Сæ хъуыдытæ раргом кодтой нæ уацхæсджытæн дæр. Бутаты Азæ Црауы совхозы куыста бухгалтерæй. Куыд зæгъы, афтæмæй сæ совхозы кой дæрддыл хъуыст. Кодтой дзы фермерон куыст, дардтой стурвос. Дзидза æмæ æхсырæй ифтонг кодтой æрмæст Алагиры район нæ, фæлæ ма республикæ дæр. Совхозæн уыд йæхи быдыртæ. Мæнæу, нартхор, картоф. Йæ хъæздыг тыллæгылыл-иу цæст нæ хæцыдис. Совхозы руаджы хъæуы цæрджытæн уыдис кусæн бынæттæ. Зæрдæргъæвдæй дзы фыдæбон кодтой. Ныртæккæ раздæры хъуыстгонд æмæ номдзыд совхозæн йæ быстыхæйттæ афтидæй лæууынц. Гæззаты Рæзминæт дæр бирæ азты фæкуыста совхозы. Куы байгом 1968 азы, уæдæй совхозæн йæ сæхгæныны бонмæ. Хорз ма йæ хъуыды кæны, куыд хъæлдзæг æмæ хæларæй куыстой. Фермерон куыстæй уæлдай ма совхозы уыдис дыргътæ лæмарæн цех дæр. Уæды рæстæг сæм суанг Гуырдзыстонæй дæр ма кусынмæ цыдысты. Цехы архайдтой совхозæн йæхи дыргътимæ. Совхозæн саккаг кодтой кадджын хæрзиуджытæ дæр. Цалдæр хатты сси Сырх тырысайы аккаг. Йæ куыст къуылымпыдзинæдтæ ‘ййафын райдыдта перестройкæйы рæстæг. Фæлæ ма уæддæр 2002 азы онг йæ куыст кодта. Цæмæн йæ...