01. Өч асыл | Әлфис әбү Мөхәммәд |

01. Беренче дәрес БисмилЛяһ (بسم الله) сүзенең - 3 мәгънәсе бар: 1)Аллаһтан ярдәм сорау 2)Аллаһтан бәрәкәт сорау 3) Барлык кодрәт һәм көчнең Аллаһта гына булуын, һәм барлык нәтиҗәнең дә Аллаһтан гына икәнен искә төшерә. Кабердә һәрбер кешегә биреләчәк өч сорау: 1) Кем синең Раббың? 2) Нинди синең динең? 3) Кем сезгә җиберелде (ягъни Расүлең кем)? Һәрбер кешегә белү вәҗип (тиеш) булып тора: 1) Гыйлем: Аллаһ һәм Аның шәригате турында (дәлилләргә таянган гыйлем) 2) Шул гыйлемгә таянып гамәл кылу 3) Шушы гыйлемгә кешеләрне чакырыру (дәгъват кылу) 4) Шушы юлда сабыр итү Дәлил: 103. «Әл-Гасыр» (Вакыт) сүрәсе Мәрхәмәтле һәм Рәхимле Аллаһ исеме белән башлыйм. 1. Гасыр (вакыт) белән ант итәм! 2. Дөреслектә, һәрбер кеше чиксез югалтуда. 3. Тик иман китергән, изге гамәл кылган һәм бер-берсен хакка өндәп, сабырлык күрсәткән кешеләр - алар бу югалтудан котылган. (103. “Әл-Гасыр” сүрәсе) Имам ибн әл-Каийм رحمه اللهболай дип язган: “Гыйлем 3 өлештән тора: 1) Аллаһны тану (иман, гакыйдә); 2) Харам һәм хәләлне аера белү; 3) Үз-үзеңне яхшырту гыйлеме (әдәп, әхләк). Гамәлләрнең төре: 1) Йөрәк гамәлләре (иман китерү, Аллаһ ризалыгы өчен ярату һ.б.) 2) Тел гамәлләре (зекерләр, яхшылыкка чакыру һ.б.) 3) Әгъзәләр гамәле (намаз уку, сәдака бирү һ.б.) Дәгъватнең ике төре: 1) Исламга диндә булмаган кешеләрне чакыру, бу дәгватнең асылы 2) Диндә булган кешеләргә хаклыкны җиткерү, аларны адашудан чистарту Сабырлыкның төрләре: 1) Аллаһның әмерләрендә сабыр итү (намаз укуда, тәһарәт...