1. САХА САХАТА Наш депутат Тумусов

СУРУЛЛУБУТ СУОРУЛЛУБАТ..  ТабаарыҺым, доҕорум, соратнигым Савва Агафонович Егоров суруйан хаалларбыт кинигэтин дьиэтээҕи библиотекабар хасыһа сылдьаммын булан ылан көрдүм. Үрдүк да ааты иҥэрбит эбит диэн соҺуйа да, сонньуйа да санаатым.  Саха сахата диэн! Бу үрдүк аат, бастатан туран, миэхэ тус бэйэбэр олус улахан эппиэтинэс. ИккиҺинэн, бу 20-тэн тахса сыллааҕыта суруллубут кинигэ.  Этэргэ дылы "суруллубут суоруллубат". ҮсүҺүнэн, сүүрбэттэн тахса сыл диэн историяҕа кылгас кэм, оттон биирдиилээн киҺи олоҕор балайда баһаам кэрчик.  БыҺа холоон биир көлүөнэ олоҕун уҺуна.      Мин "кырыйдым, бүттүм" диир санаам да, туругум да суох.      ЧиэҺинэйдик этэр буоллахха, XXI -с үйэ ааспыт чиэппэригэр уонна бу күн бүгүн табаарыҺым иҥэрбит аатыгар сөп түбэҺэр туҺугар олох олоро, охсуҺа, үлэлии сылдьабын.     Салгыҥҥа ыйаанан турар, сирдээҕи олоххо сылдьар сорох ыйытыктарга дьон-сэргэ даҕаны, кэм-кэрдии да кэлин сөптөөх хоруйдары биэриэхтэрэ...     Оттон мин табаарыҺым, атын да доҕотторум, төрөппүттэрим сырдык кэриэстэрин иннигэр бэйэм олоҕум- дьаҺаҕым, охсуҺуум, үлэм-хамнаҺын туҺунан аҺаҕастык кэпсиир кэмим кэллэ дии санаатым..   Ол иҺин, аныгы кэм сиэринэн, бу аҺаҕас канал арыйдым.  Ааҕыҥ, көрүҥ, истиҥ, санааҕытын суруйуҥ. Мин телефонум 89857692994 ( Манна МАХ суруйуҥ. Билбэт номербын ылбаппын) Электроннай почтам: Ытыктабылы кытары эҺиги Федот Тумусовкыт. 15.03.2026.