Цæгат Кавказы цæуы бархионты проект «Маяки дружбы. Башни Кавказа», зæгъгæ

"Баххуыс кæнын, базонын, радзурын - хæлар уæвын". Ахæм у «Маяки дружбы. Башни Кавказа»-йы сæйраг девиз. Аив Ирыстонмæ бархионтæ ссæуынц 2016-æм азæй фæстæмæ. Архайджытæ сты алы кары. Ныртæккæ æппæты кæстæрыл цæуы 13 азы, хистæрыл та 61. Се &ис Словакийæ уазæг дæр. Зузана Андреанинова у бæстæйы хицауады цур финансон университеты студенткæ. Йæ райгуырæн горæт Кошицейы билингвалон скъолайы ахуыр кæнгæйæ уырыссаг æвзаг æмæ культурæ йæ зæрдæмæ тынг фæцыдысты. Бархионты проекты тыххæй куы баззыдта, уæд чызг уайтагъд йæ курдиат балæвæрдта. Куыд радзырдта, афтæмæй хорз хъуыддæгтæ - хуымæтæг ныхæстæ не сты, æвдисын сæ хъæуы хи дæнцæгæй. Иван Кихтенко та Донецкы адæмон республикæйæ у. Сæрмагонд æфсæддон операци куы райдыдта, уæд æвзонг лæппу йæ ныййарджытимæ Уæрæсемæ ралыгъд цæрынмæ. Куыд радзырдта, афтæмæй фыццæгты йæхи къæмдзæстыг æнкъардта, æмбæрста йæ граждайнаг хæс æвæрд ыл кæй ис, уый. Уымæ гæсгæ аздæхт æмæ бацыд æфсадмæ. Уæд йæ дыккаг фыд службæ кодта артиллерийы æфсады, уырдæм бахауд Иван дæр. Сæрмагонд æфсæддон операцийы бынаты фæцис дыууæ мæйы. Хорз æй зоны фæсчъылдымы æххуыс куыд ахсджиаг у, уый. 8 азы организаци æххуыс кæны нæ республикæйы культурон объекттæ сног кæныны хъуыддаджы. Се &Тедеты æмæ Хуырымты мæсгуытæ. Ацы аз бархионты хыгъды ис 15 студенты Луганск æмæ Донецкы адæмон республикæтæй, Херсоны, Мæскуыйы, Смоленскы, Курскы облæсттæй. Курдиат бадæттыны фæстæ, ацæуынц æвзарæн къæпхæн, цыбырæй сахуыр кæнынц психологи æмæ медицинæ. Балцы размæ бæстонæй базонынц регионы...