✞Акафист преподобному Александру Свирскому.СЛУШАТЬ✞

Дни почитания дважды в год: 30 апреля (17 апреля по старому стилю) – день обретения мощей 12 сентября (30 августа по старому стилю) Кондак 1 Избранный угодниче Христов и чудотворче, преподобный отче Александре, возсиявый мирови, яко звезда богосветлая, жития твоего добротою и множеством чудотворений, восхваляем тя любовию в песнех духовных: ты же, яко имеяй дерзновение ко Господу, молитвами твоими от всяких нас бед свободи, да зовем ти: Радуйся, преподобне Александре, Свирский чудотворче. Икос 1 Ангельский нрав имел еси, отче преподобне, и яко безплотный, непорочно житие совершил еси на земли, дивный образ совершенства духовнаго нам оставив, да подражаем добродетелем твоим, и зовем ти сице: Радуйся, благочестивых родителей плод богодарованный. Радуйся, неплодие рождших тя разрешивый. Радуйся, сетование их на радость преложивый. Радуйся, от пелен Богом избранный. Радуйся, от утробы матерния на службу Ему предуставленный. Радуйся, от юности Его Единаго всем сердцем возлюбивый. Радуйся, вся красная мира сего ни во что же вменивый. Радуйся, постом и бдением молитвенным плоть твою удручивый. Радуйся, непорочный сосуде Божия благодати. Радуйся, жилище Духа Святаго, украшенное чистотою. Радуйся, мужу желаний духовных. Радуйся, главо, освященная десницею Всевышняго. Радуйся, преподобне Александре, Свирский чудотворче.