Иоанн Босой Христа Ради юродивый

ТРОПАРЬ БЛАЖЕННОГО ИОАННА БОСОГО, ГЛАС 1 Яко бисер безценный явился еси на горах Киевских, блаженне отче Иоанне, нестяжанием и нищелюбием Бога прославив, и дар любве нелицемерныя взыскав. Темже по смерти благодать исцелений приял еси. Моли Христа Бога спастися душам нашим. КОНДАК БЛАЖЕННОГО ИОАННА БОСОГО, ГЛАС 8 Суетная мира презрев, Христа ради юродство избрал еси, блаженне, присно в подвизех пребывая и нищим питатель быв. Темже дары Духа Святаго приял еси обильно, отче наш Иоанне, молитвенниче неусыпный о всех верою почитающих тя. МОЛИТВА ИОАННУ БОСОМУ О блаженне отче Иоанне, верный рабе Христа Бога и всем страждущим скорый помощниче! Ты небеснаго отечества взыскуя, дом и вся сродники твоя оставил еси, хлад и зной претерпевая, плоть свою постом и нищетою смиряя, дар любви и прозорливости стяжал еси.Услыши нас, многогрешных, ныне к тебе вопиющих, и молитвами твоими исцели всяк недуг душ и телес наших, защити нас от враг видимых и невидимых, сподоби нас течение жизни сея непреткновенно прейти, христианскую непостыдную кончину нам у Господа испроси и Небесное Царствие унаследовати сподоби. Молим тя, отче блаженне, обрати сердца наша к любви нелицемерней и истинному благотворению, помози воздвигнути святыя храмы в душах наших и добродетельми их украсити, наипаче молим тя, испроси у Господа вновь сияти (детищу святого равноапостольного князя Владимира) храму Десятинному в честь Пресвятой Владычицы нашей Богородицы и Приснодевы Марии, идеже ты при жизни молился еси, да купно с...