Цæгат Ирыстоны рæзы полилингвалон къордты нымæц

Фыццаг хуымæтæг къахдзæфтæ мадæлон æвзаджы дунемæ. Сабиты хъазты фæрцы сцымыдис кæнын, бауарзын сын кæнын ирон дзырд. Дзæуджыхъæуы 176-æм рæвдауæндоны ис дыууæ полилингвалон къорды. Уыдонмæ цæуынц 50 сывæллоны. Ам полилингвалон системæмæ гæсгæ кусынц ныр 7-æм аз. Æрвылбоны царды сабитимæ ныхас кæнынц иронау, аив кæсынц æмдзæвгæтæ, дзурынц сын аргъæуттæ, семæ архайынц ирон хъæзтыты, ахуыр сæ кæнынц иронау хъуыды кæныныл. Хъалæгаты Альбинæ зæрдиагæй архайы йæ къорды сабитимæ. Уæдæ йæ алыварс ис ирон æгъдæуттæ, царды уаг æвдисæг хъæздыг æрмæг. Пайда кæны полилингвалон ахуырады алыхуызон методикæтæй. Уæвгæ, республикæйы полилингвалон къордты нымæц рæзы. Уый та ууыл дзурæг у, æмæ ирон æвзагыл архайд цæуы æмæ йын ис хорз хатдзæгтæ. Йе 'вæрæн мадæлон æвзаджы парахатмæ хæссы Хъаныхъуаты Алинæ дæр. Йæ дæсныдаймæ гæсгæ у дизайнер, бафæндыдис æй ирон адæмон аргъæуттæм нывтæ скæнын. Чингуытæ кæсгæйæ, сабитæ зонгæ кæнынц ирон адæмон аргъæуттимæ. Хъайтартæ сты национ уæлæдарæсы, сæ алыварс ирон дзауматæ, музыкалон инструменттæ, фынджы агъдау æвдисæг символикæ. Йæ хъуыды сæххæст кæнын Хъаныхъуаты Алинæйæн бантыст проект “Росмолодежь. Гранты”-йы руаджы. Ирон æвзаджы центры кусджытæ полилингвалон ахуырады методикæ парахат кæнынц бæстæйы иннæ регионты. Педагогтæн расидынц методикон ахуыртæ, сæ фæлтæрддзинадæй сын хай кæнынц. Полилингвалон ахуырады проект республикæйы æххæст кæнын райдыдтой 2017-æм азы. Уæдæй нырмæ ирон æвзаг сабитæ кæм ахуыр кæнынц, ахæм къордты нымæц рæзы. Ныридæгæн...