Ансамбль «Артар» бацахста фыццаг бынат Уæрæсейы чемпионаты

2017-æм азы ансамбль «Артар» адæмон кæфтыты Уæрæсейы чемпионаты бацахсты дыккаг бынат. Уæд сæхицæн сæвæрдтой нысан — æппæты бæрзонддæр къæпхæнмæ схизын. Сæ бæллицмæ æнувыдæй цыдысты. Æмæ мæнæ рагæй кæмæ æнхъæлмæ кастысты, уыцы уæлахиз. Ансамбль «Артар» сси адæмон кæфтыты номинацийы сызгъæрин майданы хицау. Аивадмæ уарзондзинад сæ туджы кæмæн ис, уыцы фæсивæдимæ фембæлдысты ме 'мкусджытæ. Чызджыты кафт. Иу аив фезмæлд иннæйы ивы. Алыхуызон æнкъарæнтæ гуырынц къамисы уæнгты зæрдæты. Фæсивæдæн стыр аргъ скодтой. «Артар» сси адæмон кæфтыты Уæрæсейы чемпион. Фыццаг бынатæй уæлдай ма бронзæ — номинаци «Стилизация народного танца»-йы. Уыимæ ма, ансамблы аивадон разамонæг Дзукъаты Аленæ хорзæхджынгонд æрцыд Кады гæххæттæй. Рамбылдта номинаци чызджыты хореографийы хуыздæр æвæрды. Ацы уæлахизтæ къухы хуымæтæджы нæ бафтыдысты. Æнтыстджынæй сæм цыдысты цалдæр азы. 2017 азы аивадон къорд райста æвзист майдан. Уæдæй фæстæмæ сæ сæйраг нысан уыд сызгъæрин. Габолаты Артур ерыстæй сыздæхт хи уæлахизимæ. Банымадтой йæ хуыздæртæй иуыл. Хорзæхджынгонд æрцыд кубок æмæ дипломæй. Лæппу сценæйы йæ сæйраг нысаныл нымайы кафты цæхæр алы адæймаджы зæрдæйы дæр ссудзын. Кафты бацæугæйæ, ахсджиаг у мидтыхстыл фæуæлахиз уæвын. Сæ сæйраг нысан вæййы канд зæрдæмæ фæцæуын нæ, фæлæ ма фидарæй равдисын кафты сын æмбал кæй нæй, уый. Афæдзгай тренировкæтæ, сахатгай репетицитæ. Уæлахизмæ фæндаг æнцон нæу. Кафт дæр спорты хуызæн нæ быхсы лæмæгъдзинад. Ансамблы разамонæг Дзукъаты Аленæйы ныхæстæм гæсгæ, хатгай...