Дзӕуджыхъӕуы бындуронӕй цалцӕг кӕнынц хоры скъола

19 ӕнусы бæстыхай паддзахы заманты амадимæ. Къухӕй конд агуыридуртӕ рӕсугъд нывӕфтыдтимӕ, иуӕй-иутӕ та ма суанг аразджыты мыггӕгтӕ ӕмӕ нæмттимæ дӕр. Ӕрмӕгӕн аргъ кӕнынц йӕ фидардзинад ӕмӕ ӕвӕджиауы фактурӕйы тыххӕй. Кӕд Дзӕуджыхъӕуы сывӕллӕтты хоры скъола ноггӕнинаг уыд, уӕддӕр кусджытӕ архайынц историон хуыз бахъахъхъӕныныл. Ӕрызгъӕлд къулсӕрст, тӕдзы уӕлхӕдзар, коммуникацитæ заууат. Фарстатæ бирӕ уыд, фӕлӕ специалисттӕ зӕрдӕ ӕвӕрынц, цалцӕджы фӕстӕ кæй ферох уыдзысты, уымæй. Кӕддӕр ацы бæстыхайы уыд абана. Ныртӕккӕ кусджытӕ ӕфснайынц, ӕмбӕрзӕны бын цы бырон ӕмӕ стыр дуртӕ ӕрӕмбырд, уыдон. Бригадир Отар Куцури куыд зӕгъы, афтӕмӕй объект ахсджиаг у, куыстыты гуырахст чысыл нӕу, фӕлӕ ам фæллой кæнын диссаг у. Фидӕны нысантæй иу у ӕппӕт коммуникацитӕ дӕр ӕххӕстӕй баивын. Хоры скъолайӕн ис 7 филиалы Дзӕуджыхъӕуы ӕмӕ Цӕгат Ирыстоны районты. Зарыныл архайынц 400 сывӕллоны онг. Сӕрды каникулты, специалисттӕ хъавынц ӕппӕт чъизи куыст кӕронмӕ ахӕццӕ кӕнынмӕ. Уый фӕстӕ та бавналын хъӕуы аив кæнынмæ. Дизайн сараздзысты коллективы хъуыдытæ хынцгӕйӕ. Кцойты Тамилæ, Габолаты Виктория