Ацы азæй æнæмæнг медицинон фæдзæхстады программæмæ бахастой пренаталон тест кæй хонынц

Ацы азæй æнæмæнг медицинон фæдзæхстады программæмæ бахастой пренаталон тест кæй хонынц, ахæм медицинон иртæстытæ. Уый та ууыл дзурæг у, æмæ республикæйы сылгоймæгтæ ацы æркаст цæудзысты лæвар. Медицинон тесты руаджы раиртасæн ис фидæны сабийы хромосомæты исты хъæндзинæдтæ ис æви нæ, уый. Ацы бонты Цæгат Ирыстонмæ сластой иртæстытæн сæрмагонд пробиркæтæ. Туг исынц бинонты æнæниздзинады республикон центры сылгоймæгты консультацитæй сæрмагонд гæххæтмæ гæсгæ къуыри иу хатт - дыццæджы. Дарддæр та биоæрмæг арвитынц Мæскуымæ, Кулаковы номыл медицинон центрмæ. Ацы пренаталон тесты руаджы ис сабимæ гуырдзмæ рабæрæг кæнæн ахæм потологитæ - Дауны, Эдварсы æмæ Патауы синдромтæ. Иртæстытæ сеппæт æнхъæлцау сылгоймæгтæн нæ кæнынц, æрмæст дохтыры амынддзинадмæ гæсгæ. Хатдзæг скæнынц сылгоймæгты консультацийы дохтыртæ æндæр иртæстыты бындурыл. Процедурæ кæнæн ис æнхъæлцау сылгоймагæн 17-æм къуырийы онг. Уымæ гæсгæ дохтыртæ сидынц, цæмæй фидæны мадæлтæ æвæстиатæй сæхи медицинон хыгъмæ бахæссой.