Студи «Ироны» кӕстӕр сывӕллӕттӕ рамбылдтой сӕйраг кубок Железноводскы фестивалы

Сценӕйыл — рог кафт. Фӕлӕ фӕскулисты — карз дисциплинӕ. Культурæйы галуаны репетицион залы кӕддӕриддӕр бирӕ фæсивæд вæййы. Студи «Ирон», ансамбльтӕ «Беслӕн» ӕмӕ «Беслӕны фæсивæд» хъомыл кӕнынц уӕлахиздзауты. Сӕ разамонӕг — адӕмон артист Дудиаты Олег. Сывӕллӕттӕ бонцухæй тренировкӕтӕ кӕнынц дыгай сахӕттӕ. Кусынц бирӕ, уымӕ гӕсгӕ къухы æфты хорз фӕстиуджытӕ. Коллективтӕ ӕнтыстджынӕй ахицӕн кодтой сӕ сезон. Кӕстӕр студи» Ирон» ацыд горӕт Железноводскмӕ. Ӕппӕтуӕрӕсеон фестивалы уыд стыр конкуренци — 160 кафтæй фылдӕр. Фӕлӕ нӕ артисттӕ сæхи хорз равдыстой. Конкурсы архайдтой суанг ӕппӕты чысылдæр кафджытӕ дӕр. Артисттӕ равдыстой 4 кафты ӕмӕ фӕуӕлахиз сты. Кӕстӕр къорд ӕрбаздӕхт хӕрзиуджытимӕ: бацахстой 3 фыццаг бынаты, 1 дыккаг ӕмӕ рамбылдтой сӕйраг кубок — Гран-при. Кӕстӕр скондӕн уый у фыццаг сӕйраг кубок. Ныр сывӕллӕттӕ лӕууынц хистӕр артистты ӕмрӕнхъ. Уыцы рӕстӕг ансамбль «Беслӕны фæсивæд» ацыд Сочимæ ӕппӕтадӕмон конкурсмӕ. Уыдис дзы тыхджын ныхмӕлӕуджытӕ: коллективтӕ Абхаз, Китай ӕмӕ Африкӕйы бӕстӕтӕй. Нӕ артисттӕ равдыстой 5 кафты. 2 сæ акодтой фыццаг хатт. Афтӕмӕй бацахстой фыццаг бынӕттӕ ӕмӕ ма райста Гран-прийы 2 сӕйраг кубокы. Ацы уӕлахиз артисттӕн ӕрхаста стыр циндзинад. Сценӕмӕ рацӕуыны размӕ артист ӕдзухдӕр тыхсы химидæг. Фӕлӕ ирон музыкӕ куы айхъуысы, уӕд тыхст ӕрбайсӕфы. Кафджытӕ нӕ культурӕйӕ сӕрыстыр сты. Æнтыстдзинады сусӕгдзинад уый мидӕг ис, ӕмӕ хистӕр артисттӕ сӕ фӕлтӕрддзинад дӕттынц кӕстӕртӕм. Дудиаты Олег пайда кӕны, йӕ зындгонд ахуыргӕнӕг — Малиты...