Номарæн акци, туристтæн зонинаг, ирон æвзаджы ахуыр, Суанты Хъазыбеджы мысгæйæ

Уæрæсейы цæуы æфсæддонты, фыдыбæстæ хъахъхъæнджыты нæмттæ зæрдыл дарынæн сæрмагонд проект "По праву памяти", зæгъгæ. Архайынц дзы алы регионтæ, семæ нæ республикæ дæр, афтæмæй. Бæлвырддæр хабæрттæ акцийы тыххæй базыдтам нæ уазæгæй. Уæдæ зымæджы ралæудмæ специалисттæ сæхгæдтой иуæй-иу туристон къахвæндæгтæ. Афтæ бакодтой æдасдзинады домæнтæм гæсгæ. Нæ уазæгæн дæр йæ дзырды сæр уый уыди. Нæ иннæ чысыл уазæг та у мадæлон æвзагыл тынг æнувыд. Кæд дзургæ хорз нæма кæны, уæддæр æм ирон ныхас хуыздæр кæсы. Хъуыддагæй йын чи `ххуыс кæны, уыдон дæр нæм студимæ сæмбæлдысты. Ссардтам УФ-йы сгуыхт артист Суанты Хъазыбеджы ном дæр. Хъыгагæн, Ирыстон ын загъта фæстаг фæндараст. Курдиатджын актеры тыххæй дзырдтам, йемæ чи куыста, ахæм адæймагимæ.