Уӕрӕсейы фӕлхасгӕнджытӕм цӕстдарды управленийы специалисттӕ бабӕрӕг кодтой лагерь «Звездочка»

Ам алы бон дæр минуты онг бæлвырдгонд у. Ахуыртæ, хъæзтытæ, хæлæрттимæ фембæлдтытæ. Фæлæ лагеры ирд царды бындур у кусджыты бæстон архайд æмæ специалистты цæстдард сывæллæтты æдасдзинады фæдыл. Райсомӕй раджы — доны процедурӕтӕ, сыгъдӕг уӕлдӕфмӕ зæарядкæ ӕмӕ аходӕн. Уый фӕстӕ та мидисджын программӕ — хъӕзтытӕ, сфӕлдыстадон къордтӕ ӕмӕ спорт. Сыгъдӕг уӕлдӕф, рӕсугъд ӕрдз ӕмӕ узæлд ӕххуыс сты сывӕллӕттӕн сӕ хъарутӕ сног кӕнынӕн ӕмӕ сӕрды каникулты æхсызгон ӕнкъарӕнтӕ ӕрӕмбырд кӕнынӕн. Уыимӕ ам ӕдасдзинад у сӕйрагдӕр. Сезоны райдианы размӕ ӕмӕ сывӕллӕтты лагерты куысты рӕстӕг Уæрæсейы фæлхасгæнджытæм цæстдарды упарвлени фæткмæ гæсгæ æххæст кæны мониторингтӕ, специалисттӕ бӕрӕг кӕнынц ӕппӕт хъӕугӕ домӕнты æххæсткæнынад. Бӕрӕг кӕнынц, сывӕллӕтты ӕдасдзинад ӕмӕ ӕнӕниздзинад кӕмӕй аразгӕ сты, ӕппӕт уыцы сӕйраг къабӕзтӕ. Хойрӕгтӕ ӕвӕрыны уавӕртӕ, хæрæндоны куыст, санитарон домæнтæ ӕххӕст кӕнын ӕмӕ хæринæгты хӕрзхъӕддзинад. Ахуыргӕнджытӕ ӕмӕ хъомылгæнджытæ сывӕллӕттӕн свӕййынц зондамонджытӕ ӕмӕ ӕххуысгӕнджытӕ. Уыдон рахæцынц хъӕппӕристы фарс, ӕргом кӕнынц æнахъомты курдиæттæ, ӕвзӕрын сæм кӕнынц традицион хӕзнатӕ. Ахуыр кӕнынц хӕларӕй цӕрын ӕмӕ кӕрӕдзийӕн ӕххуыс кӕнын. Радон басгӕрст равдыста — лагерь дзуапп дӕтты ӕппӕт хъӕугӕ домӕнтӕн дӕр, сывӕллӕттӕ та сӕ фӕллад уадзынц, куыд ӕмбӕлы, афтӕ — ӕдас, удӕнцой ӕмӕ хъӕлдзӕгӕй. КОЦОЙТЫ КРИСТИНÆ, ГАГЛОЙТЫ АРТУР. КОКОЙТЫ ЭЛЛИТÆ