03. Өч асыл | Әлфис әбү Мөхәммәд |

✅03. Өченче дәрес. Кем синең Раббың? Минем Раббым - Аллаһ! Ул мине һәм бөтен галәмнәрне барлыкка китерде, ризыкландырды һәм туры юлга күндерде. Мин Аңа гына гыйбадәт кылам һәм Аннан гына ярдәм сорыйм. Дәлил: ”Барлык мактаулар – галәмнәрнең Раббысы булган Аллаһка гына тиешле”(1 сүрә, 2 аять). Ничек син Раббыңны таныдың? Мин Раббымны Аның аятьләре һәм мәхлүклары аша таныдым. Аның галәмәтләреннән — көн белән төннең алышынып торуы, кояш белән айның хәрәкәте, күкләр һәм җир, алардагы тәртип һәм хикмәт. Аллаһның иң бөек аяте — Коръән. Ул Аллаһның сүзе, кешеләр өчен һидаять, рәхмәт һәм нур. Коръән — Пәйгамбәребез ﷺ гә бирелгән иң зур могҗиза. «Төн, көн, кояш һәм ай – Аның аятьләреннән. Кояшка да, айга да сәҗдә кылмагыз! Ләкин аларны яралткан Аллаһка сәҗдә кылыгыз. Әгәр дә сез Аңа гыйбадәт кылучылардан булсагыз.»(41 сүрә, 37 аять). Аллаһны тануның ике юлы бар: 1. Мәхлүкәтләре аша: кояш, ай, җир, төн, көн һәм башка яратылган нәрсәләр. 2. Шәригать могҗизалары аша: Коръән, Сөннәт һәм пәйгамбәрләрнең тормыш юллары. Аллаһ Тәгалә әйтә: «Раббыгыз — күкләрне һәм җирне алты көндә яраткан Аллаһ...» (Әгъраф сүрәсе, 54 нче аять). Аллаһ — гыйбадәткә лаек булган бердәнбер Илаһ. Аллаһ Тәгалә әйтә: «Әй кешеләр! Сезне һәм сездән элек яшәгәннәрне яраткан Раббыгызга гыйбадәт кылыгыз...» (Бәкара сүрәсе, 21–22 нче аятьләр). «Барлык мәчетләр Аллаһныкы гына. Шуңа күрә Аллаһ белән бергә һичкемгә дә дога кылмагыз” (72 сүрә, 18 аять). Һәртөрле гыйбадәт — нинди генә булмасын: сәҗдә, намаз, дога...