Проект «Алания. Это мо земля», Зæрон Бæтæхъойыхъæуы фæсивæд æмæ бархионты архайд I Йæ рæстæгыл

Федералон проект «Алания. Это моя земля» кусын райдыдта Ирыстоны. Аив дзырд æмæ фыдæлтыккон таурæгътæй хъуамæ спайда кæной конкурсы архайджытæ. Проекты презентаци уыд Дзæуджыхъæуы. Æмæ йыл бæлвырддæр æрныхас кодтам «Йæ рæстæгыл». Адæмы тых сæ иудзинады кæй ис, уый иттæг хорз æвдисынц рагон ирон хъæу Зæронд Бæтæхъойы цæрджытæ. Растдæр куы уæм, уæд та - йæ фæсивæд. Æрыгæттæ бавдæлыдысты æмæ сæхи хъарутæй райдыдтой спортивон зал аразын. Уыцы цау канд Рахизфарс районыл нæ, фæлæ æппæт Ирыстоныл дæр айхъуыст. Куыст æмæ иумæйаг нысан ирыстойнæгты куыд бæтты, уый тыххæй - не `рмæг. Михайловскæйы сæрмагонд училищæйы ахуырдзаутæ рацыдысты Æрыдоны былгæронмæ æмæ йæ бырæттæй ссыгъдæг кодтой. Акци арæзт æрцыд «Уæрæсейы Дæттæ»-м гæсгæ. Ахæм мадзæлттæ нæ республикæйы сараздзысты ноджыдæр ма 70-йы бæрц. Цæмæ дзы бафæндыд бацархайын фæсивæды, куыд ивы сæ цæстæнгас сыгъдæгдзинадмæ, ууыл дзурæм нæ уазджытимæ.