1923-æм азы 14-æм мартъийы рацыд гацет «Рæстдзинад»-ы фыццаг номыр

Ирон газет зæрдиагæй чи уарзы, уыдонæн – бæрæгбон. Газет «Рæстдзинад»-ыл абон æххæст кæны 99 азы. Æрвылбон нын нæ зæрдæтæ хорз хабæрттæй цы коллектив рæвдауы, уый нымад цæуы «национ хæзнайыл». Нæ ферох кодта, газеты йæ фыццаг къахдзæфтæ кæимæ кодта, ирон журналистикæ сног кæныныл чи бацархайдта, рауагъдады рæзтмæ стыр æвæрæн чи бахаста, уыдоны дæр. Газет хорзæхджынгонд у Кады нысанæй, ссис Хетæгкаты Къостайы номыл паддзахадон премийы лауреат. Бæлвырддæр хабæрттæ газет «Рæстдзинад»-ы тыххæй радзурдзæн нæ уацхæсджыты къорд.