Сергей Меняйло фембæлд Культурон хъæппæристы Президентон фонды конкурсы уæлахиздзаутимæ

Сергей Меняйло фембæлд Культурон хъæппæристы Президентон фонды конкурсы уæлахиздзаутимæ. Ацы аз 42 курдиатæй ӕххуыс райстой 8. Республикӕ бацахста фыццаг бынат Цӕгат Кавказы федералон зылды субъектты 'хсӕн. Грантты иумӕйаг бӕрц — 24,5 млн сомы. Проектты 'хсӕн ис, Ирыстоны истори ӕмӕ традицитӕ бахъахъхъӕныны тыххæй чи у, ахӕмтӕ. 2 сæ баст сты архитектурӕйы къабазимӕ. Фембӕлды архайджытӕ радзырдтой сӕ фӕлтӕрддзинады тыххӕй, раргом кодтой сӕ дарддӕры сфӕлдыстадон хъуыдытæ. Ацы аз культурон хъæппæристы Президентон фонд бӕрӕг кӕны йӕ 5 азы юбилей. Йæ равзæрдæй абонмæ грантон конкурсты архайдтой 395 цæгатирыстойнаг командӕйы, 47 проекты систы уӕлахиздзаутӕ. Сæ иумæйаг бæрц — 147 млн сомӕй фылдӕр. Фонды проектон офис Дзæуджыхъæуы кусы 2 азы, консультативон ӕмӕ методикон ӕххуыс кӕны, ӕнӕкоммерцион ӕмӕ коммерцион организацитӕ, амалхъомтæ кӕй ӕххӕст кӕнынц, уыцы культурон, аивадон ӕмӕ сфӕлдыстадон индустриты хъӕппӕристӕн.