Стихиры Пасхе. Да воскреснет Бог. Знаменный распев, глас 5

Эпохальный концерт духовных песнопений знаменного пения «Распевы Святой Руси» в Москве. Поет сводный старообрядческий хор под руководством Д.А. Синельников. Московский международный Дом музыки (ММДМ), 2 мая 2014. Текст пасхального песнопения (на церковно-славянском языке): Христос воскресе из мертвых, смертию на смерть наступи, и гробным живот дарова (трижды). Глас пятыи. Да воскреснет Бог, и разыдутся врази Его. Пасха священная нам днесь показася, Пасха ново святая, Пасха таинственная, Пасха всечестная, Пасха Христа Избавителя, Пасха непорочная, Пасха великая, Пасха верным, Пасха двери райския нам отверзающая, Пасха всех освящающая верных. Яко исчезает дым, да исчезнут. Приидите от видения жены благовестницы, и Сиону рцыте: приими от нас радость благовещения, воскресения Христова, красуйся и ликуй и радуися Иеросалиме, Царя Христа узрев из гроба, яко Жениха исходяща. Тако да погибнут грешницы от лица Божия, а праведницы да возвеселятся. Мироносицы жены, зело рано предсташа гробу Живодавца, и обретоша Ангела на камени седяща, и той провещав им, сице глаголаше: что ищете Живаго с мертвыми? что плачете Нетленнаго во тли? шедше проповедите учеником Его. Сей день иже сотвори Господь, возрадуемся и возвеселимся вонь. Пасха красна, Пасха Господня, Пасха. Пасха всечестная нам восия. Пасха, радостию друг друга приимем. 0! Пасха, избавление скорби, ибо из гроба днесь, яко от чертога, восия Христос; жены радости исполни, глаголя: проповедите апостолом. Слава Отцу и Сыну и...