Республикæйы цæрджыты куыстæй сæххæст кæныныл ныхас цыд Дзанайты Барисы разамындæй æмбырды

Фæллойадон ахастдзинæдтæ æргом фæткмæ гæсгæ æххæст кæнын, уыимæ цæрджытæн куыст агурыны архайд фæхъомысджындæр кæнын. Ацы фарстатæм æргом аздæхта Дзанайты Барис сæрмагонд æмбырды фæлгæты. Æрдзырдтой ма æгуыст адæмы нымæцыл æмæ сын æххуысы гæнæнтыл. Мадзалы архайдтой профилон министрадтæ, ведомствæты æмæ куыстдæттыны территориалон центрты разамонджытæ. Уæлдай æргом аздахын хъæуы хицæн цæрæн пункттæм. Афтæмæй аххæсæн ис, консультацитæ кæй хъæуы, ахæм æгуыст адæмы фылдæр нымæцыл. Дзанайты Барис ма бабар кодта куыстдæттыны мобилон центры архайд фæрæвдздæр кæнын. Уыимæ ма хъæуы рабæрæг кæнын, фылдæр кæцы къабæзты нæ фаг кæны специалисттæ, æмæ сæ сæ цæттæ кæнын. Уый хынцгæйæ та бюджетон бынæттæ нысан кæнын. Куыст ссарынмæ фыццаджыдæр фæкæсын хъæуы инвалидтæм æмæ сæрмагонд æфсæддон операцийы архайджытæм. Дзуапдæттæг комитеты сæрдар Анжела Эммануилиди куыд фæнысан кодта, афтæмæй фарон куысты нылæууыдысты 1500 адæймаджы. Уыимæ хи хъуыддаг байгом кæнынæн субсидитæ райстой 11 адæймаджы - уыдон сæрмагонд æфсæддон операцийы архайджытæ æмæ сæ бинонтæ. Финансон æххуыс 500 мин сомы та амалхъомады райрæзтæн.