Umar Hayyom hikmatlari | Умар Хайём хикмат ва рубоийлари

Umar Hayyom hikmatlari | Умар Хаём хикмат ва рубоийлари ―――― Муҳтожлик кўйида кўнгилни овла, Юракка яқину маъқулни овла. Бир дилча турмас юз лойхона Каъба, Каъбада нима бор, бир дилни овла. Мен майни қувнамоқ учун ичмайман, Шодлик деб одобу диндан кечмайман. Мақсадим - ўзликдан кечиб бир нафас, Ором олса, бехуш бўлиб жону тан- Бойликдан кўпаймас ақл ё ҳунар, Аммо пул бўлмаса хун бўлур жигар. Сероқча атр гул яшнар қуёшда, Бинафша сояда бош эгиб турар. Жаҳон сири бўлсин дил дафтарида, Очсанг бошга бало эл назарида, Дилдаги ҳар гапни айтиб бўлмайди, Сен бу нодонлардан тургил нарида. Биз келиб кетувчи тўгарак жаҳон На боши маълуму на сўнгги аён Ҳеч кимса ростини айтиб беролмас: Биз қайдан келдигу кетурмиз қаён. Бегона ҳам вафо қилса, жигар менга Қариндошим жафо қилса, дигар менга, Заҳар дардга даво бўлса, тарёкдир ул, Асал агар ёқмас экан, захар менга Каъбаю бутхона қуллик хонаси, Бутхона занги ҳам шум таронаси. Меҳробу калисо, тасбеҳу салиб - Барчаси қулликнинг бир нишонаси. Азалдан ёзилган эмиш пешонам, Не бор экан унда жаннат, жаҳаннам? Устод менга деди: қазову қалам, Жаннат, дўзах бари сенда жамулжам. Ҳақиқат ниҳолин ўстирмас гардун, Хоҳи бефарқ бўлгил, хоҳи кўп куюн. Фалак айланиши ўзгармас жиндек, Бугунни кеча бил, эртани бугун. Дил - унинг дардига тўлса яхшидир, Бош - йўлин тупроғи бўлса яхшидир, Ғам тиғин дўст отса, унга ранжима, Ҳар нарса дўстингдан келса яхшидир. Бу замон дўстни кам орттирмоқ маъқул, Аҳли замонадан узоқроқ...