Қайси суралар билан инсон узига дам солиб тозаласа булади? Қуръон билан дам солишнинг фойдаси

Қайси суралар билан дам солинади? Қуръон билан дам солишнинг фойдалари Динимизда – маълум шартларга кўра – дам солишга рухсат этилган. Бу борада етарлича кўрсатмалар берилган. Жумладан, ҳадиси шарифларда шаръий дам солишда қайси суралар ўқилиши айтилган. Хорижа ибн Солтдан ривоят қилинишича, унинг амакиси (Алоқа ибн Суҳор) бир қавм олдига борганида, улар: – Сен бу киши (яъни, Муҳаммад соллаллоҳу алайҳи ва саллам) ҳузуридан яхшилик олиб келгансан. Манави одамга дам солиб қўй! – деб илтимос қилишди. Шу пайт кишанланган мажнун одамни олиб келишди. (Хорижанинг амакиси) уч кун эртаю кеч Фотиҳа сурасини ўқиб дам солди. Ҳар сафар сурани ўқиб тугатгач, пуфлаб дам урди. (Натижада мажнун киши) дарддан фориғ бўлди. Қавм аъзолари дам солувчига 100 та қўй 779 беришди. Шунда Ибн Суҳор Набий соллаллоҳу алайҳи ва саллам олдиларига бориб, бўлган воқеани айтиб берди. У зот: – Олавер. Ҳаѐтимга қасамки, ботил (яъни, шариатга хилоф тарзда) дам солиб (ҳақ) оладиганлар ҳам бор. Аммо сен Аллоҳнинг Каломи билан дам солиб (ҳақ) олдинг, – дедилар 780 . Ривоят қилинишича, Убай ибн Каъб розияллоҳу анҳунинг идишида хурмо бор эди. Ора-чора келиб ундан хабар олиб турарди. Бир сафар хурмо камайиб қолаѐтганини сезиб, унга кўз-қулоқ бўлиб турди. Кечаси балоғатга етган болага ўхшаш кимса юриб келаѐтганини кўрди. Убай унга салом берди. У алик олди. Убай сўради: – Сен кимсан: одаммисан, жинмисан? – Жинман. – Қўлингни кўрсат. Жин қўлини кўрсатди. Қараса, қўли итнинг қўлига, туки ҳам итникига ўхшар экан....