Ак бакай | Эң мыкты комуз куулору

Кереметтүү күүлөрдүн бири «Ак бакай» күүсүн бул видеодо бир ирет угуп коюңуздар. Бул күүнүн таржымалы төмөндөгүчө: Коргоол Досуев атабыздын аткаруусунда элге тараган бул күү кадимки Токтогул атабыздын ашыгы Алымканга барып такалат. Тарыхта Токтогул атабыздын бул сүйүүсү жоопсуз болгон. Ага өзүнүн бою кичинекей, тогологунан келген киши болуп, сүйгөнү Алымкан узун бойлуу болгону себеп болгон делет. Арзуусу ойлогонундай болбой калганда Токтогул атабыз Алымканга арнап чыгарган ырын эч кимдин ырдабашын талап кылып, бул чыгармасын жокко чыгарып салган. Бирок жакшы нерсени эл унутта калтырбайт да, Коргоол атабыз ал обон-күүнү кичине өзгөртүп, атын «Ак бакай» атап алып ырдай берген. Бул обон-күү кийин жалпы журтка эмес, тар чөйрөдө гана ырдала турган ыр менен коштолуп калган. Ал ырда аял менен эркектин бири-бирине болгон мамилелери ар тараптуу каралып, анын ичинде уяттуу сөздөр дагы колдонулган. Ошондон улам ал жоро-жолдош, теңтуштар, жаш муун арасында гана аткарылып калган. Ал эми Коргоол Досуев атабыз башка залкарлардан айырмаланып андай ырларды аткаруудан эч тартынган эмес. Комуз курсун көрүп комузду мыкты деңгээлде черткенди үйрөнүңүз. Сайт Beshbarmak.info дает уникальную возможность научиться играть на комузе совершенно бесплатно и онлайн не выходя из дома! Не упустите этот шанс!!! #акбакайкомуз