Тушда ўлган одамни кўриш

Тушда яқин кишисини йўқотиш, ёки ўзини ўлик ҳолда кўриш ҳар қандай кишини ғамгин ўйларга кўмади. Кўпинча бундай тушларга қандайдир муаммолар даракчиси сифатида қаралади. Тушда марҳумнинг овозини эшитиш нохуш хабарларга ишора. Марҳум отанинг овози – яширин хавф, обрўйингизга эҳтиёт бўлинг ва ҳар бир қадамингизни ўйлаб босинг, марҳум онанинг овозини эшитиш – саломатлик билан боғлиқ муаммолар, зарарли одатларнинг оқибатлари юзага чиқиши, марҳум уканинг овози яқинларингиздан кимдир сизнинг кўмагингиз, ҳамдардлигингизга муҳтожлигини билдиради. Агар тушда марҳум киши сиздан қандайдир ваъда олмоқчи бўлса, буни кўнгилни кўтаришга, хурсанд бўлишга ишора деб билинг, яқинларингизнинг маслаҳатларига эътиборли бўлинг. Ванганинг таъбирича, тушда ўзининг ўлимини кўриш бахтли ва узоқ умрга ишора. Агар тушингизда дунё учун муҳим киши оламдан ўтиб қолса, бу адолатли ҳукмдор, оқил сиёсатчига ишора. Унинг саъй-ҳаракатлари билан дунёда урушлар тўхтайди, халқлар дўстлашади. Клиник ўлим эски дўстларингиз сизга қарши яширин фитна тузаётганини билдиради. Агар улар бунинг уддасидан чиқса, сизнинг режаларингиз амалга ошмайди. Баъзида ўлим яшаш манбаларига ишора бўлади. Бой киши давлатини йўқотиши мумкин, камбағал давлат топиши мумкин. Айрим манбаларда тушида ўлим кўрган киши эзгу ишларини кўпайтириши, виждонини тозалаши кераклиги айтилади. Мусулмон туш таъбирларида тушда кимнинг ўлимини кўрганлигига аҳамият қаратилади. Ўзини ўлик кўриш узоқ умрга ишора, олимнинг ўлими тақво билан боғлиқ...