МУУС УСТАР 9 күнэ - ''НЬУРГУҺУННАР'' ырыа тыллара айыллыбыт күнэ

МУУС УСТАР 9 КҮНЭ - «НЬУРГУҺУННАР» ЫРЫА ТЫЛЛАРА СУРУЛЛУБУТ КҮНЭ. Хара сир устун саас маҥнай Хааман иһэр кэрэтиэн! Сэрэммиттии аргыый аҕай Сири көрөн иһэбин... Бу олус иэйиилээх ырыаны сөбүлээбэт, ырыаһыта да суох буоллар киҥинэйэн ыллаабатах киһи суоҕа буолуо дии саныыбын. И. А. Дмитриев-Сиэн Чолбодук «Ньургуһуннар» хоһоону, ырыа буолуо дии санаабакка, 1957 сыл муус устар 9 күнүгэр, Куочай детдомугар үлэлии сылдьан суруйбут эбит. Ол туһунан кини маннык ахтыбыт: «Айылҕабыт барахсан кыһыҥҥы көмнөҕүн уулларан, чыычаах тойугунан туолан, дьыл сайыны уруйдуур бэлиэтэ буолбут ньургуһуннар үүнэн турар кэмнэригэр суруллубут хоһооммун «Ньургуһуннар» диэн ааттаабытым. Бэйэм санаабар, олус бэркэ табыллыбыт курдук этэ. Дьокуускайга үөрэхпэр бара сылдьан, «Эдэр коммунист» хаһыакка үлэлии олорор поэт Семен Руфовка көрдөрбүтүм. Киһим олус сөбүлээбитэ уонна түгэн көһүннэҕинэ хаһыакка бэчээттэтиэхпит диэбитэ». Бу дьыл Иннокентий Дмитриев СГУ-га саҥа аһыллыбыт саха салаатыгар үөрэнэ киирэр. Сотору «Сэргэлээх уоттара» литературнай куруһуок эркинин хаһыатыгар кини хоһооно тахсар. Манна хоһоон ааптарын аатын, ханна үөрэнэрин көрөн бииргэ үөрэнэр табаарыһа Баһылай Бырдьахаанап сүрдээҕин соһуйбут: «Хайа, доҕоор, эн хоһоонуҥ эбит дуу. Оттон мин онно ырыа матыыбын айбытым дии» диэбит. Василий Протодьяконов (В. Н. Протодьяконов, СГУ саха тылын кафедратын доцена, РСФСР норуотун үөрэҕириитин туйгуна) сонно тута мандолинаҕа оонньоон иһитиннэрбит. Бу ырыаны аан маҥнай СГУ сценатыгар уолаттар...