Преображение Господне. Молитва.

Преображение Господне. Молитва. Го́споди Иису́се Христе́, Бо́же на́ш, во све́те живы́й непристу́пнем, сия́ние сы́й сла́вы О́тчия и о́браз Ипоста́си Его́. Егда́ прии́де исполне́ние време́н, Ты́ за милосе́рдие неизрече́нное к па́дшему ро́ду челове́ческому Себе́ ума́лил еси́, зра́к раба́ прия́л еси́, смири́л еси́ Себе́, послушли́в бы́сть да́же до сме́рти. Оба́че пре́жде Креста́ и во́льныя стра́сти Твоея́ на горе́ Фаво́рстей преобрази́лся еси́ в Боже́ственней сла́ве Свое́й пред святы́ми Твои́ми ученики́ и апо́столы, ма́ло скры́в пло́ти восприя́тие, да егда́ Тя́ у́зрят распина́ема, и сме́рти предава́ема, уразуме́ют у́бо страда́ние Твое́ во́льное и Божество́. Да́руй же и на́м все́м, пречи́стыя пло́ти Твоея́ преображе́ние пра́зднующим, чи́стым се́рдцем и нескве́рными умы́ взы́ти на святу́ю го́ру Твою́, в селе́ния святы́я сла́вы Твоея́, иде́же гла́с чи́ст пра́зднующих, гла́с несказа́ннаго ра́дования, да та́мо ку́пно с ни́ми лице́м к лицу́ у́зрим сла́ву Твою́ в невече́рнем дни́ Ца́рствия Твоего́, и со все́ми святы́ми, от ве́ка Тебе́ благоугоди́вшими просла́вим всесвято́е И́мя Твое́ со Безнача́льным Твои́м Отце́м и Пресвяты́м и Благи́м и Животворя́щим Твои́м Ду́хом ны́не и при́сно и во ве́ки веко́в. Ами́нь. Преображение Господне. Новый Завет – детям Яблочный Спас. Преображение Господне. Поздравление. 19 августа Преображение Господне. Аудио. Архимандрит Рафаил Преображение Господне. Яблочный Спас. 19 августа. Мир вашему дому, дорогие братья и сестры!