✞Псалом 99✞Молитва благословения. СЛУШАТЬ✞

Воскликните Богови вся земля, работайте Господеви в веселии, внидите пред Ним в радости. Уведите, яко Господь той есть Бог наш: Той сотвори нас, а не мы, мы же людие Его и овцы пажити Его. Внидите во врата Его во исповедании, во дворы Его в пениих: исповедайтеся Ему, хвалите имя Его. Яко благ Господь, в век милость Его, и даже до рода и рода истина Его.