Бедойты Валентинӕ баххӕст кодта Беслӕны музыкалон скъолайы коллектив

Классикон музыкӕйы зæлтæ ам ныссабыр вæййынц ӕрмӕст ӕнафоны. Бедойты Валентинӕйæн фортепиано хуымӕтӕджы инструмент нæу, фӕлӕ сывӕллоны дуне ӕнкъарын сахуыр кӕныны фæрæз. Аивады дунеимӕ 7-аздзыд Лерӕ æрæджы райдыдта зонгӕ кӕнын. Ныртӕккӕ йӕ сӕйраг хӕс у симфони ацæгъдын нӕ, фӕлӕ 88 клавишæйы сахуыр кӕнын, уыдонӕй алкӕмӕн дӕр — йӕхи хъӕлӕс. Ахуыргӕнӕг зоны фæндаг алы сывæллоны зæрдæмæ дæр. Чысылӕй фортепиано уыд Валентинæйы стырдæр бӕллиц, фæлæ йæ ныййарджытӕн сӕ бон нӕ уыд зынаргъ инструмент балхӕнын. Фестъӕлфыд нанайы зӕрдӕ: йæ лӕвар байгом кодта 9-аздзыд чызгӕн аивады дунемӕ дуар. Скъолайы ма загъта фидарӕй йæхицæн — музыкӕ суыдзӕн йӕ хъысмӕт. Фарон Бедойты Валентинӕ федта культурæйы министрады сайты хъусынгæнинаг æмæ сси программæ "Земский работник культуры"-йы архайӕг. Абон ахуыргӕнӕг хъуыддагæй æвдисы: йӕ хъару ӕмӕ ӕнусы ӕрдӕджы бӕрц фæлтæрддзинад ӕнӕмӕнг хъӕуынц ам, Беслӕны музыкалон скъолайы. Бедойты Валентинӕ амоны "сӕрмагонд фортепиано", кӕны ансамблы уроктӕ ӕмӕ, йе &нымадмӕ гӕсгӕ, сси коллективы ахсджиаг хай. Стыр аргъ кӕны специалистæн директор Дзапарты Иннæ дæр. Скъолайы, зæгъы, тынг хъуыд йӕ курдиат, йӕ хъӕздыг фӕлтӕрддзинад ӕмӕ хъару. Тедеты Аделинӕ скъолайы архайы 3-аг аз, арӕх фӕуӕлахиз вӕййы конкурсты, ныр та йӕ зондамонӕгимӕ йӕхи цӕттӕ кӕны стыр цаумӕ — симфонион оркестримӕ архайынмӕ. Разӕй Прохладныймӕ балц. Уым чызг ацæгъддзæн Цезарь Кюийы "Куклатӕ" ӕмӕ Эдвард Григы "Йольстеры кафт". Бедойты Валентинӕйы хъӕппӕрисӕй скъолайы фӕзындысты хъазӕн...