Сергей Меняйло фембæлд Дмитрий Афанасьевимæ

Сергей Меняйло фембæлд Уæрæсейы сæрмагонд æфсæддон операцийы ветеранты Ассоциацийы æххæстгæнæг директор Дмитрий Афанасьевимæ. Ныхасы ма архайдта республикон хайады разамонæг Магкæты Олег. Сергей Меняйло радзырдта кадрты æмæ ахуырадон проектты тыххæй. Се 'хсæн - регионалон программæ «Æхсарджын Ирыстон» - федералон программæ «Время героев»-ы хуыз. Йæ нысан у бæрзонд квалификациимæ разамонджыты бацæттæ кæнын паддзахадон оргæнтæн æмæ бынæттон хиуынаффæйадæн. Ноджы ма иу проект - скъолаты æмæ астæуккаг профессионалон ахуыргæнæндæтты директорты уынаффæгæнджыты цæттæ кæнын æфсæддон-патриотон хъомылады фæдыл. Сæргълæууæджы хъæппæрисæй ацы аз мартъийы райдыдта рухстауæн проект «СВОя история» уæрæсейаг æхсæнад «Знание»-йы цæгатирыстойнаг регионалон хайады бындурыл иумæйагæй æххæстгæгæн хицауады профилон оргæнтимæ. Проекты фæлгæты сæрмагонд æфсæддон операцийы архайджытæн, скъоладзаутæн æмæ студенттæн æппынæдзух кæндзысты лекцитæ, фембæлдтытæ, дæныйадæвдисæг ахуыртæ.