✞Акафист покаянный жён, погубивших младенцев во утробе своей✞

Молитвы после аборта. Этот акафист читается для отмаливания абортированных младенцев. Его надо читать от всего сердца, стоя или на коленях, и с сокрушением в течение 40 дней, а предварительно вынести на исповедь грех аборта. Кондак 1 Агнче Божий, вземляй грехи мира, услыши стенание мое и скорби сердца моего вонми, возьми мое тяжкое бремя греховное, понесший немощи наша, приими в покаянии припадающую к Тебе, молящуюся и из глубины души взывающую: Господи мой, Господи, радосте моя, помилуй мя, падшую. Икос 1 Боже и Господи! Твое бо есть творение, но увы мне, в рай содеянный Адамов грех живет во мне и в телеси, и яко раба усердно работаю ему всегда, ныне же молю Тя: помилуй мя, Творче мира горняго; помилуй мя, Создателю естества дольняго; помилуй мя, Владыко сил Небесных; помилуй мя, Управителю тварей телесных; помилуй мя, Промыслителю всяческих; помилуй мя, слезы мои о гресех моих к Тебе приносящую; Господи мой, Господи, радосте моя, помилуй мя, падшую.