Дзæуджыхъæуы æвæрынц газы "Зондджын нымайæнтæ"

Ноджы иу къахдзæф æнцонвадат æмæ æдас фидæнмæ. Зондджын нымайæнтæ фыццаг хатт фæзындзысты Кавказы. Бирæуæладзыгон, 120 фатерон хæдзары цæрджытæ ферох кæндзысты раздæр бæрæггæнæнтæ куыд истой, уыцы хуыз. Ныр нырыккон дуджы, онлайн -хуызы хаст цæудзысты иумæйаг базæмæ. Мæнæ ам уынут нымайæн гарз. Дарддæр — æппæт лыстæгдзинæдтæй æххæст. Уыдон æнæмæнг хъæугæ сты цæрджыты æдасдзинадæн. Сæрмагондæй æвæрд æрцыдысты зынгсирвæзты ныхмæ. Мæнæ ацы клапæн куы фелхъивай, уæд газы цыд бауромдзæн. Фæлæ йæ пайда æрмæст æдасдзинад нæу. Нырыккон кусæнгарз æххуыс у хæрдзтæ фæкъаддæр кæнынæн, хицау фатер дæргъвæтин рæстæгмæ куы ныууадза, уæд. Зæгъæм йæ фæллад уадзынмæ балцы куы ацæуа, уыцы афон. Нымайæнтæ æвæрд цæуынц хæдзар аразæгимæ рагагъоммæ бадзырд бафысгæйæ. Уый удæнцой у пайдагæнджытæн æмæ къабазы кусджытæн дæр. Хæрдзтæм æмæ квитанцитæм та цæст дарæн ис сæрмагонд мобилон уæлæфтуаны. Уæрæсейы проект фæлварæн хуызы æххæст кæнынц, фæлæ йæ фидæн дызæрдыггаг нæу. Коммуналон лæггæдтæ фидынæн удæнцой уавæртæ бирæ рæстæг фæстауæрц кæнынц. Уымæй уæлдай, ног бирæуæладзыгон хæдзæртты нымайæн сæвæрынæн æппæт хæрдзтæ йæхимæ исы хæдзар амайæг. Фæлæ сæ куы бафæнда, уæд нырыккон кусæнгæрзтæй пайда кæнын сæ бон у фатерты хицæуттæн дæр.