Дзӕуджыхъӕуы 50-ӕм скъолайы сарӕзтой армукъа СВО-йы хӕстонтӕн Дагестаны цӕрджытӕн ӕххуысӕн

Дзӕуджыхъӕуы 50-ӕм скъолайы сарӕзтой егъау хӕрзаудӕн армукъа. Сбастой йæ Уӕрӕсейы адӕмты иудзинады азимæ. Ахуыргӕнджытӕ, скъоладзаутӕ ӕмӕ ныййарджытӕ æрбангом сты, цӕмӕй æрæмбырд кӕной фæрæзтæ сæрмагонд операцийы хӕстонтӕн ӕмӕ Дагестаны донивылдӕй хъыгдард баййафджытӕн. Программӕ байгом кодта Росгвардийы оркестр. Уый фӕстӕ — концерт алы адӕмты национ зарджытӕ ӕмӕ кӕфтытимӕ. Акци саразынӕн баххуыс кодтой республикӕйы национ ӕхсӕнадтӕ. Армукъайы — Уӕрӕсейы адæмты хӕринӕгтæ. Фынгтыл ирон чъиритӕ ӕмӕ дагестайнаг чудутæ. Сӕ фарсмӕ — уырыссаг лауызтӕ, скӕсӕйнаг адджинӕгтӕ ӕмӕ узбекаг пылæу. Фæзминаг хъуыддаджы фарс рахӕцынмӕ ӕрбацыдысты ЦИПУ-йы студенттӕ, стӕй 5-ӕм ӕмӕ 28-ӕм скъолаты ахуыргӕнинӕгтӕ. Цы фӕрӕзтӕ ӕрӕмбырд, уыдон иууылдӕр ратдзысты Адӕмон фронтмӕ. Директор Бырнацты Алан куыд фӕбӕрӕг кодта, афтӕмӕй ахӕм мадзал кӕнынц 4-ӕм хатт. Традици ӕххуыс у иудзинад ӕмӕ хӕлардзинад фидар кӕнынӕн.