Ирон театры уыд спектакль «Ах, ацы сылгоймæгтæ»-йы премьерæ

Ирон театры уыд спектакль «Ах, ацы сылгоймæгтæ»-йы премьерæ. Роберт Томы пьесæмæ гæсгæ йæ сæвæрдта режиссер Сæбанты Тамерлан. Фыццаг хатт æй ирон театрдзау сценæйыл федта 20 азы размæ. Сæйраг ролты - ирон театры раззагдæр артисттæ. Сюжетмæ гæсгæ аст сылгоймаджы цæттæ кодтой Цыппурсмæ, хъæлдзæгæй æрвыстой сæ рæстæг. Фæлæ æвиппайды хъуыддаг цæхгæр фæивта - хæдзары хицауы чидæр амардта. Æмæ ныр фæнд кæнынц базонын, чи уыди цымæ. Бинойнаг, цот æмæ хæдзары кусджытæ. Алкæмæ дæр сæ уыд сæхи уынаффæтæ. Куыд царддæттæг æмæ хъомылгæнæг афтæ сылгоймагæн стыр ахадындзинад ис, уымæй аразгæ у нæ сомбон. Ирд фæлгонцты режиссер равдыста æхсæнады уавæр. Афтæ рауайы æмæ æфсарм, æгъдау хатгай аууоны баззайынц. Цы миниуджытæ дзы и, уыдон, хъыгагæн, нырыккон царды парахат сты. Аивадуарзджыты бафтаудзæн фидæныл хъуыдытыл. Равдысты фæстæ театрдзаутæ фембæлдысты сæ уарзон артисттимæ «Гом сценæйы» фæлгæты. Дыккаг равдыст уыдзæн абон изæры æхсæз сахатыл.