Две Молитвы о детях, ко Господу Иисусу Христу.

Две Молитвы о детях, ко Господу Иисусу Христу Издатель: «Азбука веры» Читает: Протодиакон Димитрий Сиваков Год издания: 2019 Моли́тва 1-я о де́тях, ко Го́споду Иису́су Христу́ Сладча́йший Иису́се, Бо́же се́рдца моего́! Ты́ дарова́л мне́ дете́й по пло́ти, они́ Твои́ по душе́; и мою́ и и́х души́ искупи́л Ты́ Свое́ю неоцененною кро́вию. Ра́ди кро́ви Твоея́ Боже́ственныя умоляю Тебя́, Сладча́йший мо́й Спаси́тель: благодатью Твое́ю прикоснись сердца́м дете́й мои́х (имена́) и крестников мои́х (имена́) огради́ и́х стра́хом Твои́м Боже́ственным, удержи́ и́х от дурных наклонностей и привычек, направь и́х на све́тлый пу́ть и́стины и добра́, украси́ жи́знь и́х все́м до́брым и спаси́тельным, устро́й судьбу́ и́х, я́коже Ты́ Са́м хо́щеши, и спаси́ души́ и́х, и́миже ве́си судьба́ми. Моли́тва 2-я о де́тях, ко Го́споду Иису́су Христу́ Го́споди Иису́се Христе́, бу́ди ми́лость Твоя́ на де́тях мои́х (имена́), сохрани́ их под кро́вом Твои́м, покры́й от вся́каго лука́ваго похоте́ния, отжени́ от них вся́каго врага́ и супоста́та, отве́рзи им у́ши и о́чи серде́чныя, да́руй умиле́ние и смире́ние сердца́м их. Го́споди, все мы созда́ние Твое́, пожале́й дете́й мои́х (имена), и обрати́ их на покая́ние. Спаси́, Го́споди, и поми́луй дете́й мои́х (имена) и просвети́ им ум све́том ра́зума Ева́нгелия Твоего́ и наста́ви их на стезю́ за́поведей Твои́х и научи́ их, Спа́се, твори́ти во́лю Твою́, я́ко Ты еси́ Бог наш.