Өйдүүбүт. Сүгүрүйэбит. Кэриэстиибит (2 чааһа)

Улуу Кыайыы 80 сыллаах үбүлүөйүгэр Боотулууттан сэриигэ барбыт биир дойдулаахтарбыт бойобуой суолларын, кыргыһыы толоонугар охтубуттары, эргиллэн кэлэн бүгүҥҥү үөрүүлээх күҥҥэ тиийбэтэхтэри, сэрии кэмигэр тыылга үлэлээбиттэри, хоргуйан өлбүттэри бука барыларын ахтан-санаан ааһар кэммит үүннэ. Биһиги норуоппут 1941-1945 сс. Аҕа дойдуну көмүскүүр Улуу сэриигэ Кыайыытын үбүлүөйдээх 80 сыла туолар. Бу биһиги дойдубут эрэ буолбакка аан дойду норуоттарын барыларын өрөгөйдөөх Улуу бырааһынньыктара буолар. Бу Улуу сэриигэ фашизмы үлтүрүтүүгэ Сэбиэскэй сойуус уонна кини норуоттара сүрүн уонна быһаарыылаах күүс буолбуттарын умнарбыт сатаммат. Саха республикатын наукатын үтүөлээх деятелэ, биологическай наука дуоктора, Экология институтун директора, ХИФУ профессора Саввинов Григорий Николаевич Боотулуу нэһилиэгиттэн кыттыбыт Аҕа дойдуну көмүскүүр сэрии буойуттарын, ветераннарын бойобуой суолларын уонунан сыллар тухары куйаар ситимиттэн хасыһан булбутун кэпсиирин кэрэхсээн, сэргээн, сэҥээрэн истэргитигэр ыҥырабыт.