Цӕгат Ирыстоны кусынц скъолайы цур лагерьтӕ

Уарзон мультфильмты хъайтарты ныхмӕлӕуджытӕй раздӕр базонын. Викторинӕ хæлар у, фӕлӕ сабитæй фæхæрд уæвын никæй фæнды уæддæр. Командæтæ кусынц ӕмзондӕй, арӕзт сты ӕрмӕст уӕлахизмӕ. Ӕмӕ уый скъолайы раз лагеры хъӕлдзӕг ахуыртӕй æрмæст иу у. Ахуыргӕнӕндоны, алцыдӕр куыд ӕмбӕлы, афтӕ — фæткмæ гӕсгӕ. Æрмӕст урокты бӕсты, цымыдисаг интерактивӕтӕ. Музыкалон паузӕ, уый фӕстӕ та сихор ӕмӕ, кӕй зӕгъын ӕй хъӕуы, зонадон экскурси. Фӕсивӕд уыдысты этнографион музейы. Беслӕны дыккæгæм скъолайы йӕ хистӕркъласонтӕ ӕмӕ ахуыргӕнджытӕ сарæзтой. Мургай ӕмбырд кодтой историон цаутæ ӕмӕ экспозици. Ахуыргӕнинӕгтӕн ӕвдисынц, дӕсгай азты размӕ нӕ фыдӕлтӕ кӕмӕй пайда кодтой, уыцы цардыуаджы дзауматæ. Цæмæй рæзгæ фæлтæр нæ историмæ хæстæгдæр уа. Уӕвгӕ ацы сывæллæттæ бӕлвырд зонынц скъолайы раз лагеры ӕппӕт хорздзинӕдтӕ дӕр. Ясминӕ ӕмӕ Сӕрмӕт æм алы каникулты дӕр цӕуынц. Æмæ уый диссаг нӕу — программӕ ӕцӕг пайдайаг у. Куысты пълан нывӕст у ӕнӕкъуыхцыйӕ. Сывӕллӕтты зӕрдӕ цӕмӕй рухс кӕна, уыдӕттӕ дзы ис. Къуырийы райдианы уалдзыгон дзӕбӕхгӕнӕн кампани райдыдта ӕппӕт республикӕйы дӕр. Скъолайы раз лагертӕ та скуыстой 151 скъолайы. Алцыдӕр арӕзт у ӕдасдзинады ӕппӕт нормӕтӕм гӕсгӕ. Уый сбæрæг кодта Алыбегты Эллӕ дæр. Ахуырад ӕмӕ наукӕйы министр уыд Дзӕуджыхъӕуы 42-æм скъолайы. Аныхас кодта фӕсивӕд ӕмӕ ахуыргӕнджытимӕ, ноджы ма федта спортивон зал. Фæсивæды физикон цæттæдзинадмæ ам уӕлдай ӕргом здахынц. Уæлдай цæстдард — хӕринагмæ. Сфидар кодтой авд боны меню, цӕмӕй ӕппӕт каникулты дӕргъы фӕсивӕд исой...