Сабанты Джульеттæ æмæ Фатка Поярко - ирд дæнцæг педагогон династийæн

Хуызджын гæххæтт, хæсгард æмæ, æнæмæнг, фантази. Квиллинг, бæлвырддæр дзургæйæ, гæххæттæй композицитæ кæнын, сабитæн рæзын кæны куыд къухты змæлд, афтæ фæлгæнæн дæр. Педагог Фатка Поярко ахуырты ацы техникæйæ парахатæй пайда кæны. Æнахъомтæ та ныридæгæн кусынц сфæлдыстадон нывыл. Се &дæр æнгом кæны иу темæ - "Уалдзæг". Сывæллæттæ сæ уарзон ахуыргæнæгимæ абалц кæнынц аивады æгæрон дунемæ. Фатка Поярко ныр 15 азы ахуыргæнæг у Алагиры сывæллæтты аивæдты скъолайы нывкæнынады хайады. Ахуыргæнæндонмæ бахауд профилон училищæйы ма куы ахуыр кодта, уæд. Нывкæнынадимæ йæ фыццаг хатт базонгæ кодта йæ мад - Сабанты Джульеттæ, йæ фæлтæрддзинад у 40 азæй фылдæр. Фатка мысы, йæ фыццаг ныв скодта фондз аздзыдæй. Ахуырты классикон мадзæлттæ кæнæ нырыккон ахаст. Фатка Поярко уынаффæ кæнынмæ арæх æрбацæуы фæлтæрдджын педагогмæ. Сабанты Джульеттæ æхсызгонæй балæууы сылгоймаджы фарсмæ. Æмдыхæй æрцæуынц иумæйаг хъуыдымæ. Сфæлдыстадон адæймаджы раргом кæнын æнцон нæу. Нывæфтыдтæ, скульптурæ, нывкæнынады бындуртæ, аивады фæдыл ныхас. Ацы дисциплинæтæ сывæллæттæ базонынц ахуырты фыццаг азтæй. Фидæны нывгæнджытæм Фатка Пояркойы ахастдзинадæн ныййарджытæ дæр стыр аргъ кæнынц. Сывæллæттæм æмæ дæсныйадмæ уарзондзинад, лæвæрд цæуы фæлтæрæй фæлтæрмæ. Сабанты Джульеттæ æмæ Фатка Поярко - ирд дæнцæг педагогон династийæн.