БААХЫЛА ??

Биһиэхэ наада: - үүт – 1 ыст. (280 мл); - уу – 1 ыст. (280 мл); - сымыыт – 1 уст.; - туус; - саахар – 2 ч.нь.; - сода – 1 ч.нь.; - бурдук – 500 гр; - мас арыыта – 3 ост.нь. Бастаан ууну, үүтү кутабыт. Сымыыт, туус, саахар эбэбит уонна ытыйабыт. Кыра-кыралаан бурдукпутун кутан хойуу соҕус тиэстэ мэһийэн таһаарабыт, алаадьы киэниттэн арыый хойуу буолуохтаах. Баахылабыт тимирин бастаан хайаан да күүстээх уокка икки өттүттэн эргитэ сылдьан сылытабыт. Онтон буһарар кэммитигэр уоппутун лаппа кыччатабыт, улахан уокка сыһыарар буолар. Онон формабытын сөптөөх температураҕа тиийдэҕинэ астыыбыт уонна ол температурабытын тутуһабыт. Мас арыытынан тимирбитин сотобут уонна тиэстэбитин кутаммыт баахылабытын буһарбытынан барабыт. Таһынан барар буоллаҕына – ол аата кутар тиэстэҕитин аччатыаххытын наада, салгыы бэйэҕит көрөн оҥорон иһэҕит. Тиэстэ бүтүөр диэри барытын буһарабыт. Арай кытаанах дуу дии санаатаххытына, буһан тахсыбыт баахыланы тэрээпкэнэн сабан туруоххутун сөп. Минньигэстик аһааҥ!