СВЯТОЙ ПРЕПОДОБНЫЙ АЛЕКСИЙ ЗОСИМОВСКИЙ.

#Зосимовапустынь Тропарь: Я́ко звезда́ путево́дная и уте́шитель богому́дрый в годи́ну лю́тых испыта́ний яви́лся еси́, затво́рниче преди́вный о́тче Алекси́е, огне́м бо ве́ры распала́емь, любо́вь Христо́ву стяжа́л еси́, те́мже и, благода́ть Ду́ха Свята́го восприе́м, и́мя избра́нника Бо́жия на патриа́рший престо́л жре́бием откры́л еси́. Ны́не же, Святе́й Тро́ице предстоя́, моли́ спасти́ся душа́м на́шим. Кондак: Благочести́ваго ко́рене о́трасль свята́я, мно́гими доброде́тельми от ю́ности просия́л еси́, любо́вию Христо́вою уязви́вся, ева́нгельски лю́дем послужи́л еси́, и, в пусты́ню Зоси́мову всели́вся, неоску́дный исто́чник благода́ти показа́лся еси́, преподо́бне ста́рче наш Алекси́е, Це́ркве Ру́сския украше́ние. Сла́ва Да́вшему ти кре́пость, сла́ва Избра́вшему тя, сла́ва Де́йствующему тобо́ю всем исцеле́ния.