Дыгургомы «Цыкола – Мацутæ – Комы-Арт» фæндагыл бындурон рацарæзты фæстæ байгом кодтой тъунел

Дыгургомы «Цыкола – Мацутæ – Комы-Арт» фæндагыл бындурон рацарæзты фæстæ байгом кодтой тъунел. Йæ дæргъ у 126 метры. Объекты куыстытæ райдыдтой национ проект «Æдас æмæ хæрзхъæд фæндæгтæ» национ проектмæ гæсгæ, кæронмæ та фесты ног национ проект «Инфраструктура для жизни»-йы фæлгæты. Транспорт æмæ фæндаггон инфраструктурæйы комитеты сæрдар Солиты Тариэлы ныхæстæм гæсгæ тъунелы æмæ йæ бацæуæнты сæвæрдтой рухсгæнæн цæджындзтæ, видеоцæстдарды системæ. Уымæй уæлдай ма зынгхуыссынгæнæн цъайтæ. Тъунел фæуæрæхдæр кодтой, ныр дзы æнæ къуылымпыйæ цæудзысты уæзласæн хæдтулгæтæ æмæ туристон автобустæ. Тъунелмæ бахизæнты сæвæрдтой гæрæнтæ дурзгъæлды ныхмæ. Тъунел байгом кæныны фæдыл кадджын мадзалы архайдта республикæйы хицауады сæрдар Дзанайты Барис.