Молитва на Освящение воды!

Велий еси, Господи, и чудна дела твоя, и ни едино же слово довольно будет к пению чудес Твоих!.. Ты бо хотением от не сущих во еже быти приведый всяческая. Твоею державою содержиши тварь, и Твоим промыслом строиши мир. Ты от четырех стихий тварь сочинивый, четырьмя времени круг лета венчал еси. Тебе трепещут умныя вся силы, Тебе поет солнце, Тебе славит луна, Тебе присутствуют звезды, Тебе слушает свет, Тебе трепещут бездны, Тебе работают источницы. Ты простерл еси небо яко кожу, Ты утвердил еси землю на водах, Ты оградил еси море песком, Ты ко отдыханием воздух п роли ял еси. Ангельския силы Тебе служат; Архангельстии лицы Тебе кланяются; многоочитии херувими и шестокрилатии серафими, окрест стояще, и облетающе, страхом неприступныя славы Твоея покрываются... .?️?️?️?️?️?️?️?️?️?