1945 елгы Җиңү Парадында катнашкан татар ветераны Өмет Гобәев

Өмет Гобәев 1945 елгы Җиңү Парадында катнашкан, хәзер аз сандагы исән ветераннарыбызның берсе. Милләттәшебез ул вакытта Мәскәү хәрби-музыка мәктәбе курсанты булган. Өмет Гобәев: “Да, мы открывали Парад Победы. Первые. Открыть Парад Победы. Потом включался сводный оркестр и шли колонны”. Һөнәри югары белем алганнан соң Өмет Садыйк улы 21 ел хәрби дирижер булып хезмәт иткән. Өмет Гобәев: “Әнием татар иде. Әбием татар иде, яшьтән әбием баккан иде. Татар әбием баккан иде”. Өмет Гобәев Үзбәкстанның Әндиҗан шәһәрендә туган, нәсел тамырлары Татарстаннан. Хәзер татар мохитендә яшәмәсә дә, ветеран ана телен онытмый Өмет Гобәев: “Татарча беләм, нимесчә беләм, тюркчә төшенәм, үзбәкчә беләм урысча беләм, казахча төшенәм. Кыргызча. Сүләшергә генә оялам”. 97 яшьлек ветеран көр күңелле, күтәренке рухлы булуы белән аерылып тора. Хәзер Өмет Гобәев Краснодар краендагы Армавир шәһәрендә яши. Ветераннар советы эшендә катнаша, укучылар белән очраша. Көндзлек тормышта спортның актив төрләре белән шөгыльләнә. Тормыш хатирәләрен барлап, китап яза. Өмет Гобәев: “Ачуланма адәмнәргә, яман эш кылма, яхшылык кыл. Адәмнәргә шушы яхшылыкны үзең сизген. Үзеңнең көчең җиткәнче бирең күп, шуныңча яхшы. Шулай дип йөрим инде. Менә кара, шулай (күрсәтә) Масаеп йөрмим. Кул белән дә йөрмим, таяксыз йөрим. #умидгубаев